राजकारणात येणार? ऑफिसमध्ये ‘कमळ’ आकृतीची महाराजा स्टाईल खुर्ची, चर्चा तर होणारच
मुंबई : राज्यभरात सध्या महानगरपालिकांच्या निवडणुकांची धामधूम पाहायला मिळत आहे. त्यातही देशभरात बीएमसी निवडणूक सर्वाधिक चर्चेची असते. मनोमिलनानंतर काल दोन्ही ठाकरे बंधूंनी एकत्रित येत मुंबई महानगरपालिकेत युती करण्याची घोषणा करुन निवडणुकांच्या प्रचाराचा नारळ फोडला आहे.
अशातच विधीज्ञ गुणरत्न सदावर्ते आपल्या अनोख्या खुर्चीमुळे चर्चेत आले आहेत.विधीज्ञ गुणरत्न सदावर्ते नेहमीच आपल्या हटके वक्तव्यांनी प्रसिद्धीझोतात येत असतात. ठाकरे बंधूंच्या विरोधात करीत असलेल्या वक्तव्यांमुळे सदावर्ते चर्चेत असतात. मुंबई महानगरपालिका निवडणुकीत महायुती विरुद्ध ठाकरे बंधूं यांचा सामना पाहायला मिळणार आहे. अशातच आता गुणरत्न सदावर्ते हे एका आणखी कारणास्तव चर्चेत आलेले पाहायला मिळत आहेत.सध्या गुणरत्न सदावर्ते हे परळ येथील क्रिस्टल टॉवर या इमारतीत वास्तव्यास आहेत. क्रिस्टल टॉवर या इमारतीच्या अगदी समोरासमोर त्यांचं सुसज्ज असं कार्यालय आहे. त्या कार्यालयामध्ये नेहमी त्यांच्या पत्रकार परिषदा पण होत असतात. नेहमी साध्या खुर्चीवर बसणारे गुणरत्न सदावर्ते आता ‘कमळा’ ची रचना असलेल्या महाराजा सदृश खुर्चीवर बसतांना आता पाहायला मिळणार आहेत.सध्या माध्यमांमध्ये या खुर्चीची फार चर्चा होताना पाहायला मिळते आहे.. गुणरत्न सदावर्ते नेहमी देवेंद्र फडणवीस यांची प्रशंसा करताना अनेक वेळा बघितलेलं आहे. कमळ प्रतिकृती असलेली खुर्ची आणण्यामागे सदावर्ते यांचा काय हेतू असेल हे मात्र गुलदस्त्यातच आहे.
कोण आहेत गुणरत्न सदावर्ते?
गुणरत्न निवृत्तीराव सदावर्ते हे विधिज्ञ आहेत. महाराष्ट्र शासनाने २०१८ साली मराठा समाजाला सामाजिक आणि शैक्षणिक मागास (SEBC) प्रवर्गाअंतर्गत आरक्षण दिले होते. मात्र मराठ्यांना दिलेले आरक्षण हे असंवैधानिक असल्याची याचिका त्यांनी सर्वोच्च न्यायालयात लढवली.
ते मूळ नांदेडचे आहेत. सदार्वतेंनी एमबीबीएसपर्यंतचं शिक्षण घेतलं. याच काळात विद्यार्थ्यांसाठी अनेक आंदोलनंही केली. त्यांचं शिक्षण छत्रपती संभाजीनगर आणि मुंबईत झालं. काही वर्षांपूर्वी सदावर्ते नांदेडहून येत मुंबईत स्थायिक झाले आणि वकिली करु लागले. ते आणि वकील पत्नी जयश्री पाटील अनेक कारणांनी चर्चेत असतात.
