अभिनेत्रीच्या आईनेच उडवले तिच्या चारित्र्यावर शिंतोडे, पोटच्या पोरीला दिलेली टोकाची धमकी
सौजन्य – मटा
पुर्वी ग्लॅमरच्या दुनियेची व्याख्या वेगळी होती. पूर्वी उच्चभ्रू घरातल्या मुलींचा या क्षेत्राकडे जास्त कल असायचा पण आता तसं राहिलेलं नाही. मध्यमवर्गीय मुलीसुद्धा या क्षेत्रात मोठ्या अपेक्षेने आणि धैर्याने पाऊल ठेवतात.
हे करिअर निवडणे प्रत्येकासाठी सोपे नाही. आजही अनेक कुटुंबे आपल्या मुलींना बॉलिवूड आणि ओटीटी प्लॅटफॉर्मच्या ग्लॅमरस जगात येऊ देण्यास कचरतात. अभिनेत्री सयानी गुप्तानेसुद्या या आव्हानाचा सामना केला होता. कॉर्पोरेट जगात भरघोस महिना पगार मिळवणाऱ्या सयानी गुप्ताने जेव्हा बॉलिवूड निवडले तेव्हा तिच्या आईने सर्वात आधी तिला तीव्र विरोध केला. शिवाय हाताची नस कापून घेण्याची धमकीही दिली होती.खोलीत बंद करुन घेतलेलेएका मुलाखतीत सयानी गुप्ताने खुलासा केला की तिच्या आईने तिला एकटीने वाढवले आहे. त्यामुळे माझी सुरक्षा ही तिचे पहिले कर्तव्य आहे असं ती मानायची. जेव्हा सयानी गुप्ता पुण्यातील एफटीआयआयमध्ये शिक्षण घेण्याचा निर्णय घेतला तेव्हा तिची आई खूप रागावली. आईने तिला अभिनय करण्यापासून रोखण्यासाठी आत्महत्येची धमकीही दिली. आई म्हणालेली, “जर तू अभिनय केलास तर मी माझी नस कापून घेईन.” सयानीच्या आईच्या मते अभिनय व्यवसायच चुकीचा आहे. तिने अभिनेत्रींची तुलना वेश्यांशीही केली.
FTII मध्ये नशीब उघडले
बऱ्याच विरोधांना तोंड देत, सयानी गुप्ता FTII मध्ये आली. त्यानंतर, तिचे नशिब पालटले. तिथे मोठ्या कलाकारांची कमतरता होती, म्हणून तिला लगेच काम मिळू लागले. अल्पावधीतच सयानी गुप्ताला पाच विद्यार्थी चित्रपटांच्या ऑफर आल्या. तीन चित्रपटांमध्ये काम केल्यानंतर, तिच्या आईचा दृष्टिकोन बदलू लागला. त्यापैकी एक चित्रपट पाहिल्यानंतर, तिच्या आईने तिचे कौतुकही केले. सयानी गुप्ताने सांगितले, ती मला म्हणाली”जर तुला पुढची दोन वर्षे हेच करायचे असेल तर तू ते करू शकते.” सयानी गुप्ता जॉली एलएलबी 2, आर्टिकल 15, पग्लाईट आणि अॅक्सोन सारख्या चित्रपटांमध्ये दिसली आहे. तिचा शो “फोर मोअर शॉट्स प्लीज” आधीच हिट झाला आहे, ज्याचा चौथा सीझन आता रिलीज होत आहे.
