पुण्यात ‘महिलाराज‘ सावित्रीच्या लेकीच्या हाती असणार महापालिकेचा कारभार, पाच मोठी नावं चर्चेत, पाहा कोणती?
पुणे महापालिकेत भाजपने 119 जागा जिंकून स्वबळावर सत्ता स्थापन केली आहे. महापौर पद खुल्या महिला गटासाठी आरक्षित झाल्याने आता महिला महापौर असणार हे निश्चित झाले आहे. रंजना टिळेकर, मंजुषा नागपुरे, मानसी देशपांडे, रोहिणी चिमटे, वर्षा तापकीर यांच्यासह स्वरदा बापट आणि निवेदिता एकबोटे यांची नावे चर्चेत आहेत.
सौजन्य – महाराष्ट्र टाईम्स
पुणे : पुणे महानगर पालिका निवडणुकीत भाजपने एकहाती वर्चस्व मिळवले आहे. 165 जागांपैकी 119 जागेवर भाजपने विजय मिळवत महापालिकेत स्वबळावर सत्ता स्थापन केली आहे. त्यामुळे संपूर्ण बहुमत असणाऱ्या पुणे महापालिकेत महापौर कोण असणार याकडे शहराचे लक्ष लागले आहे. महापौर पदासाठी आज मुंबईत आरक्षण सोडत जाहीर झाली. यात पुणे महानगर पालिकेसाठी खुल्या महिला गटासाठी महापौर पद आरक्षित करण्यात आले आहे. त्यामुळे पुण्याची नगरसेवक ही महिला असणार हे आता स्पष्ट झाले आहे
Pune News : पुण्यात ‘महिलाराज‘ सावित्रीच्या लेकीच्या हाती असणार महापालिकेचा कारभार, पाच मोठी नावं चर्चेत, पाहा कोणती?
Pune Mahapalika News : पुणे महापालिकेत भाजपने 119 जागा जिंकून स्वबळावर सत्ता स्थापन केली आहे. महापौर पद खुल्या महिला गटासाठी आरक्षित झाल्याने आता महिला महापौर असणार हे निश्चित झाले आहे. रंजना टिळेकर, मंजुषा नागपुरे, मानसी देशपांडे, रोहिणी चिमटे, वर्षा तापकीर यांच्यासह स्वरदा बापट आणि निवेदिता एकबोटे यांची नावे चर्चेत आहेत.
Authored by: हरिश मालुसरे
Updated: 22 Jan 2026, 4:35 pm IST|महाराष्ट्र टाइम्स.कॉम
फॉलो करें
अभिजीत दराडे, पुणे : पुणे महानगर पालिका निवडणुकीत भाजपने एकहाती वर्चस्व मिळवले आहे. 165 जागांपैकी 119 जागेवर भाजपने विजय मिळवत महापालिकेत स्वबळावर सत्ता स्थापन केली आहे. त्यामुळे संपूर्ण बहुमत असणाऱ्या पुणे महापालिकेत महापौर कोण असणार याकडे शहराचे लक्ष लागले आहे. महापौर पदासाठी आज मुंबईत आरक्षण सोडत जाहीर झाली. यात पुणे महानगर पालिकेसाठी खुल्या महिला गटासाठी महापौर पद आरक्षित करण्यात आले आहे. त्यामुळे पुण्याची नगरसेवक ही महिला असणार हे आता स्पष्ट झाले आहे.
(फोटो- महाराष्ट्र टाइम्स.कॉम)
ज्या पुण्यात क्रांतिज्योती सावित्रीबाई फुले यांनी मुलींच्या शिक्षणाची मुहूर्तमेढ रोवली त्याच पुण्याचा कारभार आता सावित्रीच्या लेकीच्या हाती असणार आहे. महापालिका निवडणुकीत भाजपने 92 महिलांना उमेदवारी दिली होती. त्यामुळे पालिकेत लाडक्या बहिणीची चलती असणार हे निकालापूर्वीच स्पष्ट झालं होतं. निकालानंतर भाजपच्या जवळपास 50 पेक्षा जास्त महिला निवडून आल्या आहेत. त्यापैकीच एक महिला आता महापौर असणार आहे.
यात प्रामुख्याने रंजना टिळेकर, मंजुषा नागपुरे, मानसी देशपांडे, रोहिणी चिमटे, वर्षा तापकीर यांचे नावं चर्चेत आहेत. रंजना टिळेकर या विधानपरिषद आमदार योगेश टिळेकर यांच्या आई असून पाच वेळा त्या निवडून आल्या आहेत. तर मानसी देशपांडे यांनी विजयाची हॅट्रिक केलेली आहे त्या राज्यमंत्री माधुरी मिसाळ यांच्या नातेवाईक आहेत. मंजुषा नागपुरे यांनी यंदा बिनविरोध विजय मिळवला होता. खडकवासला विधानसभा मतदारसंघातून येत असलेल्या वर्षा तापकीर यांनी देखील विजयाची हॅट्रिक केलेली आहे.
हे नावं जरी चर्चेत असली तरी भाजप ऐनवेळेला सरप्राईज पॅकेट ओपन करत आलेले आहे. त्यामुळे ऐनवेळेस इतर दुसरे नाव सुद्धा समोर येऊ शकते. यंदाच्या निवडणुकीत भाजपने यंग ब्रिगेड कार्ड खेळेले होते ळ त्याचा फायदा देखील भाजपला मोठ्या प्रमाणात झाला होता. हाच ट्रेंड जर भाजपने पुढे चालवला तर दिवंगत खासदार गिरीश बापट यांच्या सून स्वरदा बापट यांचं देखील नावं पुढे येऊ शकते. इतकंच नाही तर पुण्यासारख्या आंतरराष्ट्रीय दर्जाच्या शहरात उच्चशिक्षित तरुण महिला म्हणून प्रथमच नगरसेविका झालेल्या निवेदिता एकबोटे या देखील शर्यतीत येऊ शकतात. राष्ट्रीय स्वयंसेवक संघांचे पाठबळ आणि यंग टीम देवेंद्रच्या सदस्य असलेल्या निवेदिता एकबोटे यांनी प्रोग्रेसीव्ह एज्युकेशन सोसायटीच्या माध्यमातून शिक्षण क्षेत्रात मोठं नावं केलेलं आहे. त्यामुळे पुण्याचो महापौर कोण असणार याकडे शहराचे लक्ष लागले आहे.
